انا كنت بحبك لكن

انا كنت بحبك لكن
البعد قدرت عليه
لو حبى فقلبك ساكن
حبك من قلبى خديه

مش ناقص حيرة وغيرة
ولا عايز اجيبلك سيرة
لو ناويه تكونى اميرة
شوفى غيرى والعبى بيه

انا مش عايز اشواق
ولا عايز حاء ولا باء
ياحبيبتى حبيبك فاق
والدور انتى خسرتيه

انا مش بعمل افلام
ولا بلعب دور فاندام
انا بتأسف يامدام
عالفيلم الى عملتيه

لو فاكرة ان السلطان
يشكيلك مالحرمان
لاياشاطرة دة شغل جنان
والمقلب وشربتيه

بالهنا والشفا ياجميل
ابكى معايا المناديل
لو فاكرة فراقك ليل
انا شاطر وهعديه

انا كنت بحبك لكن
البعد قدرت عليه
لو حبى فقلبك ساكن
حبك من قلبى خديه